Sipas Sky Sport Italia, Milani do të zgjedhë një trajner portugez për sezonin e ardhshëm, ku garën kryeson Sergio Conceicao, i ndjekur nga Ruben Amorim dhe Paulo Fonseca.

Kuqezinjtë ishin afërt me Julen Lopetegui përpara se të vinte reagimi i zemëruar i tifozëve, të cilët ngritën një peticion për të bllokuar lëvizjen dhe drejtuan një fushatë në mediat sociale, duke refuzuar trajnerin spanjoll.

Pronari Gerry Cardinale dhe këshilltari Zlatan Ibrahimovic tani besohet se janë të prirur drejt Portugalisë për trajnerin e ri, duke shpresuar se një nga këta trajnerë mund të frymëzojë Rafael Leaon për të arritur nivelin tjetër.

Sky Sport Italia sugjeron që lista e ngushtë është deri në tre, të gjithë nga Portugalia, me Sergio Conceicao që kryeson.

Ai pritet të largohet nga FC Porto në fund të sezonit, edhe pse ka kontratë deri në qershor të vitit 2028, për shkak të kaosit në klub.

Conceicao ka avantazhin se është shumë i njohur me futbollin italian dhe flet gjithashtu gjuhën, pasi ka luajtur në Serie A për Lazio , Parma dhe Interin.

Si trajner, ai ka fituar tre tituj të kampionit, tre Kupa të Portugalisë dhe tre Superkupa.

Kandidatët e tjerë për Milanin janë trajneri aktual i Sporting CP, Amorim, i cili kishte qenë afër Liverpoolit përpara se të vendosnin për Arne Slot, dhe ish- trajneri i Romës, Fonseca, i cili aktualisht është në Francë me LOSC Lille. /Telegrafi/